كيفية الالتزام بالرجيم 

باعتقاد الكثير من الأشخاص إنه بعد الدايت والحرمان لفترة محدودة  بينزل وزنهم وبعدها بيرجعوا لنمط حياتهم الطبيعي،  وبتفاجئوا لما يرجعوا لنظام أكلهم السابق إنه وزنهم رجع زاد ويمكن أكتر من أول، برأيكم  شو الحل  لدوامة الرجيم؟  وكيفية الالتزام بالرجيم والحفاظ على نزول الوزن في نفس الوقت؟ من أكثر النقاط اللي لاحظت إنه المراجعين بيعانوا  منها لما يتبعوا دايت معين وبنصحكم تتبعوها: 

  • سيطر إنت على شهيتك وما اتخلي شهيتك هي اللي تسيطر عليك مثلا : حدا قدملك حلو بتقدر تاكل بكميات صغيرة وتكتفي هيك بتكون أكلت بدون ما تخرب نظامك وتذكر  إنه الطعم هو نفسه بس اللي بيفرق هو الكمية.
  • لو ما قدرت تسيطر على حالك وخبصت في الأكل شو الحل ؟ تترك الرجيم لاء طبعا، قلل أكلك باقي اليوم وحاول إنك تزيد من نشاطك الرياضي واكتب عن شعورك تجاه نفسك على ورقة وارجعلها لما تكون مش قادر تسيطر على حالك. 
  • ما تربط الالتزام بالبرنامج  بحدث معين أو شخص لازم دايما يلتزم معك لأنه لو انتهت هاي الحفلة مثلا ولو هاد الشخص ما كمل لسبب ما إنت كمان ما رح تكمل مشان هيك خلي هدفك هو نفسك لحتى اتحسن من حالك ولصحتك وشجع حالك لحالك لا تستنى هاد الاشي من أي حدا .

 

  • أهم نقطة إنك تعرف إنه هو عبارة عن نمط حياة صحي مش رجيم لفترة محدودة لذلك لازم تتعرف على عاداتك الغذائية أكتر وتعرف شو الغلط منها وتحاول تغير منها بالتدريج لتوصل لمرحلة ترتاح نفسيًا بالشي اللي عم تعمله.
  • لا تاكل أكل مختلف عن أكل الأشخاص اللي حواليك و تاكل لحالك دائمّا، بتقدر تاكل كل شي معهم بس ضمن احتياجاتك . 
  • حاول إنك اتحفز حالك مقابل الأشياء اللي غيرتها واعكس هاد الشي على أطباقك اعملها بكل حب وكلها وإنت مبسوط وزين صحنك لأنك أكتر حدا بستاهل هاد الشي من نفسه واعرف إنك مش مجبور تاكل شي إنت ما بتحبه. 
  • يفضل عدم اللجوء للحرمان والجوع لأنه رح أثر عليك لقدام بردة فعل عكسية عالأكل وممكن يزيد الموضوع سوء ويقلل من القدرة على الالتزام بنمط صحي مدى الحياة. 
  • لا تقارن نفسك بأي شخص (فلان نزل ٥ كيلو وأنا بس نزلت كيلو واحد ) كل جسم يختلف عن الجسم الأخر فتقبل جسمك واعرف طبيعته وتماشى مع هاد الموضوع بدون ما يأثر على التزامك .

 

مقالات أخرى

فوائد صيام شهر رمضان على جسم الإنسان

فوائد صيام شهر رمضان على جسم الإنسان

فوائد صيام شهر رمضان على جسم الإنسانلشهر رمضان طابع ورونق خاص في السنة إذ تزداد فيه العادات الروحانية والتواصل الاجتماعي والعبادات، وكما أنّ للصيام فوائد عديدة تعود على الإنسان من جميع الجوانب فإن له أيضًا فوائد صحية فما هي فوائد صيام شهر رمضان على جسم الإنسان؟   وما...

قراءة المزيد
التخلص من إدمان السكر بخطوات عملية وسهلة

التخلص من إدمان السكر بخطوات عملية وسهلة

    التخلص من إدمان السكر     بخطوات عملية وسهلة     إدمان السكرقد تتناول الكيك ثم بعده تشرب مشروب الشوكولاتة الساخن، وفي نهاية اليوم تجد نفسك ترغب في تناول الحلويات مرة أخرى وهذا ما قد يسمى بإدمان السكر، وهو تناول الحلويات بكميات زائدة وفي...

قراءة المزيد
أغذية تقوي المناعة ضد كورونا

أغذية تقوي المناعة ضد كورونا

أهمية تقوية مناعة الجسم ضد الفيروسات  سنتحدث في هذا المقال عن تقوية المناعة ضد الفيروسات وضد فيروس كورونا المستجد بالتحديد في ظل هذه الجائحة على العالم، إذ يعد هذا الفيروس من عائلة كبيرة من الفيروسات التي تسبب التهابات الجهاز التنفسي، ويمكن أنّ تتراوح أعراض هذا المرض...

قراءة المزيد

Pin It on Pinterest

Share This